رحلة الى زحلة

   بدي اكتب هاللشي من شان تضل زكرى بشي عملتو بعيد ميلادي ال32 وهو شي بعتلي ياه الله من حيث لا ادري .

   طبعاً كنت حاطط امل اني اطلع بس امل كتير قليل.

   وحتى وقت طلعت الله وفقني بعدة شغلات, اولهن الدخلة لاني كنت على بعد شعرة اني ما افوت على لبنان ,واخرها سوء الفهم اللي ما بيصير بالافلام الهندية ,واللي هو اني فكر جورج ياسو لمن خبرو ميشيل عبد النور اني شغييل كوردون نحاس ,فكر ابو جريج اني شغيل ذهب بس بقلبو نحاس . سمايل فايس كبيرررر.

   اول يوم فكرت اني الله مسهلي هالوضع من شان ضل بزحلة .

   بس مع تالت يوم عرفت اني الله وفقني بها الطلعة من شان اعرف احد الخيارات اللي كنت حاططها ببالي .

   لاني بعد شوفت المخيمات وبعد ما شفت عناصر الجيش اللبناني مع سياراتن العسكرية بدوار المنارة اول احد قضيتو بلبنان ووقت رحلتي على بيروت, كنت وقتها قررت اني اكمل الشهر بعدين بقرر شو بدي.

   اذا قررت شي يوم اني اندم عاللنزلة على سوريا بدي حط هلا ميزات الطلعة وسيئاتها من شان ديماً فكر حالي .

منبلش بالحسنات

1-  اول شي الشباب كتير منيحة هنيك خاصة اول معرفتي بهن خاصة ميشيل عبدالنور وغسان الاسعد , وبعد اول جمعة بعد ما فهمت على مخول ضربت صحبة معو كمان خاصة بعد ما نزلتلو اغاني على الايفون تبعو ,بس بالنسبة لجورج ما هضمتو اول شي خاصة بلهجتو اللي بيشبه لهجة جوز خالة نادية,بس اخر يوم لبين اني هاللشخص قلبو طيب ويمكن ينهضم , بالمختصر كانت الشلة هنيك كلها بتسلي.

2-   الشي التاني اني كنت اكل شارب نايم ببلاش وكان الاكل طيب مو اكل كفاح ,والنومة كمان كان ما اشبها شي

3-   الشي التالت ورغم اني استنفرت اول يوم من الشغل بس بعد جمعة كنت مستلم الدلايات حوالي تلت شغلن من دون أي مشاكل تقريباً, ومع اني كان جورج بدو ياني من تاني جمعة استلم الدلايات مع تركيب القفول والصادايات ! وهي ثقة كبيرة ! مارح قول عن حالي شغيل وكنت مرغوب عندو بس بعد اللي شفتو اخر يوم بحسن قول اني كنت مرغوب وكان متأمل مني شي كتير , بس انا ما بقدر النعمة وتركت الذهب ورجعت عالنحاس . سمايلي فايس كبيرة كمان.

4-   الشي الرابع اني اخدت فكرةعن الصب وهي مصلحة بحد ذاتها ,صعي اني هي مجرد فكرة بس من هالفكرة اجا على راسي عدة افكار , ما بعرف اذا بنفذ منها شي بالمستقبل , مع اني ما بظن, بس ماحدا بيعرف شو بيصير معو .

5-  الشي الخامس اني عرفت شو الوضع تمام بلبنان بغض النظر عن اللي بيحكوه العالم , ان كان اني لبنان جنة واللي شفتة ما بيدل على هاللشي , ان كان الحواجز اللي هي نسخة عن حواجزنا,او الطبيعة الحلوة , وهي نفس الطبيعة اللي عندنا,او اني كل شي بتلاقيه بلبنان , الله وكيلكن 3مولات كل واحد قد الجحش وروايات من دار نشر لبنانية ما لاقيت فيها.

6-  الشي السادس اللي مرتبط بالخامس هو الاسعار , والعالم كلها بتقول اني الاسعار بلبنان نار , واللي شفتو عكس هاللشي بالنسبة لاسعار حلب , ان كان المي اللي 7لتر سعرها بين 1000و1500 لبناني  , او سعر اللحم , او سعر الصندويش ,يعني بالمختصر خرج ينعاش بلبنان اذا زنقت الاوضاع بحلب , بس المشكلة هو الاجار بس بالنسبة للمعيشة فهي نفس الخازوق اللي عم ناكلو هون.

7-  الشي السابع اني غسلت ايدي من طورويان بنسبة 99% يعني ما منو خير بالمرة يعني الواحد بيعرف وين الله حاطو.

اما السيئات فهي

1-  الراتب اللي هو 250$ يعني اذا ضربناه ب47 يعني دولار قبل الازمة 11750 يعني يومية شي 400ليرة تقريبا .شو هالكفاح الخيلة .سمايلي فايس اكبر من الللي قبلها.

2-  النومة جوات ورشة ذهب مع النازحين اللي حوالينا فأنت بيرك فوق بركان ايمت بيفور ماحدا بيعرف . كمان بقول ما بيستاهل هالراتب اني اكافح هالكفاح.

3-  راحة بالي بشتريها بالدني وخاصة وقت خبرية اختي اني نزلة البحصة وبدايتها بعبارة ابوك مبارح تعب شوي ,وقتها تعكر مراقي عالآخر.

4-  على قولت طورويان الشخص بيهرب للأمام وقت بيوقع بمشكلة موب يرجع لورا بأرادتو,انا هون رجعت لورا من دون مستقبل ادامي يعني حتى لو مع مرور الوقت ووصل معاشي ل400$ فشو بقدر اعمل فيها من الطرفين مارح احسن استقر بلبنان ولا رح يعمل معي هالمبلغ شي

اهم شي رحت على لبنان على اساس قمة الانحلال الاخلاقي جيت لهون شفت مشهد لايف يعبر عن انحلال اخلاقي ممتاز .سمايلي فايس قد الدني.

قرف للمرة الثانية

من زماااااااان ما كتبت شي بالبلوغ تبعي (بلا معنى)
آخر مرة كتبت فيها كانت لسا الثورة ما بلشت بسوريا بس الوضع كان بيقرف (بس بشكل سلمي) يعني العالم بس عم بتنق ماكان يطلع بأيدها شي

هلا بعد حوالي السنتين وشوي صار الوضع بيقرف (كتييييير),من الشغل اللي وقف من سنة للرجعة لكابوسي واللي هو الكوردون ,للكهربا اللي ماعدنا نشوفها الا 4او 6ساعات باليوم,للغلا اللي دوبل الاسعار حتى 5اضعاف (اقل الشي),للهاونات اللي وين بتنزل ووين بتنزل ماحدا بيعرف(حتى اللي عم يضربا ما بيعرف),للقناصين اللي كل يوم بيستلم منطقة وايمت ما بدو بكبسة زر بيلغي حياة بني ادم ,لتقسيم حلب لمنطقتين وحدة للحر ووحدة للنظامي,للبضايع المفقودة واللي اذا انوجدت بيكون سعرها خيالي متل جرة الغاز كانت قبل سنتين 250 وهلا الدولة رفعتها لل1200وبالسوق السودة وصل سعرها لل16000,للضغط اللي عم بنعيشو كل يوم من خوف وزل وقهر ساهمو فيو الطرفين بدون تراجع اواستسلام منهن (لو كانت هالمراجل على عدونا الفعلي اللي هو اسرائيل كان فرطت اسرائيل بظرف شهر بالكتير)بس الشباب ما شاطرين غير على بعضهن.لحتى ارتفاع الدولاراللي ارتفع 7 اضعاف وصل لل300 وهلا وصل لل190والعالم مكيفة (على شو مابعرف)ونفس هالعالم كانت متشائمة من شهر لاني الدولار وصل لل180؟؟؟

كل هاد انضاف للقرف اللي كنا عايشينوا ورغم هاللشي عايشين(كيف ما بعرف) السؤال هو الحق على مين؟؟؟
هاد السؤال اكبر مني ومن اي شخص بيحاول يجاوب عليه ,لاني اللي عم بيصير لعبة شطرنج, بين الدولة اللي الكل بيشهدلها بالعبقرية السياسية (يعني مو بس ذكاء),وبين .......ما بعرف مين الطرف التان,ي بس كمان عم بيلعب مع الدولة بعبقرية ,تناسب عبقرية الدولة ؟؟والطرفين بيلعبوا بأكبر ورقة بأيدهن
 واللي هو العاطفة ,اللي بتتميز فيها شعوب البحر المتوسط, واللي ما بينجر معهن بالعاطفة بيحولو للطمع المادي والمعنوي,وهاد الشي عم يتبعو الطرفين بكل الطرق ان كان الدولة اوالحرحيث يقومون بتحريك النزعات الطائفية ,او النزعات الوطنية للمواطنين البسطاء اللذين ان تحمسو قليلاً هبو لحمل السلاح لحماية طائفتهن او قوميتهن من اعدائهم ,هؤلاء الاعداء اللذين كانو قبل سنتين جيرانهم او زبائنهم او اصدقائهم .
او عن طريق الطمع المعنوي او المادي حيث اصبح اغلب المنضمين للحر من فئة اللصوص على مستوى حرفي او ان لم يرغبوا بالمال كان طمعاً بالوجاهة بين جماعتهم بأن لديه سلاح,وهذا ينطبق على شبيحة الدولة وان كان على مستوى اقل من الحر او الانضمام الى الدولة بهدف البروظة والطمع بمركز عند انتهاء الازمة.
بالمختصر الاعبين الاثنين يقومون باللعب بقزارة تامة وبدون ان يهتز اي جفن لهم والخاسر الوحيد هم كافة المشاركين بهذه اللعبة بالدرجة الاولى والشعب اللذي يعاني من هذه الظروف بصبر غريب بالدرجة الثانية.

شي بيقرف

جد شقد حلو الواحد يكون صغير ؟
كان اكبر هم عندي انو كيف بدي روح عالمدرسة وانا مالي كيتب الوظيفة
او بالاعدادي انا هلا باول الشهر ومالي حيلق شعري (اكيد مدرب جورج بيتكفل بالوضع)وبيحلقلي ياه
او بالثانوي كان حلم حلم حياتي انو يكون عندي هالكمبيوتر اللي عم بكتب فيو هلا

جينا عل الحياة العملية اللي بتخري
بداية من الشغل وصولا للبيت نهاية بانو بدك تعمل لحالك كيان مستقل (بني آدم يعني)
ومن هون بتنطلق معنى كلمة شي بيقرف

العالم مفكرينك ما عندك شغلة غيرون وكل واحد بيفلت بطرو عالآخر عليك ورغم هالشي معلش حياة بدا تمرق
بس توصل الشغلة انو تتحمل غباء اللي حواليك كتير هيك خصوصا من اقرب المقربين الك
عايشين بالاحلام وبحلم ورقة اليانصيب اللي بدا تحل كل مشاكل اللي جاي
من شان هيك بوزع مصريات غيري لغيري وبركب ديون على حالي من شان شو ؟؟؟ من شان يخرب مستقبل اقرب المقربين الو
وهالشي نجح بدرجة كبيرة

بس بدي اعرف شو هو الهدف من هالتصرفات البتخري ما بعرف
اذا حدا بيعرف يخبرني كرمال الله.

صدق انك ارتحتي

تخيل لو كنت أم و لديك ابن معاق ذهنيا (مجنون يعني)

أو لديك ولدا لا تحل أموره إلا بالصراخ والصراخ فقط (جعوري)

أو لديك ولد كمان مجنون بس بطريقة غير مباشرة يعني بالمختصر (كمان مجنون)

أو لديك ابن لا يحل ولا يربط يعني بالمشرمحي (جدبة)

أو لديك ولد يظن نفسه من أذكياء العالم وهو بالحقيقة (جحش عال تقيل)

أو لديك ابن يتمتع بثقل دم لا مثيل له يعني (سئيل عال تقيل)

أو رزقك الله بابنة ويعلم الله عن حنان البنت لامها لكنها تتمتع بدرجة عالية من الكسل يعني بالمختصر (تنبل كمان عال تقيل)

ولديك ولد يمكن وصفه بالطبيعي لكن هموم الحياة أثقلته بالهموم فأصبح لا حول له ولا قوه

تعال لنتخيل في حال مرضك ماذا سيكون رد الفعل سويا....

(المجنون ) طبعا سيغني .... ماذا تتوقع مثلا الاهتمام بوالدته ؟

(الجعوري ) طبعا لن يشاهد باب الحارة بل سيمارس هوايته بالعياط بفصاحة عالية

(الجدبة ) السؤال سخيف طبعا أكيد بدو يروح عال شغل لأنو (الحياة عمل) الأخ رجل أعمال

(الجحش) فهمان بكل شي وعرفان انو المشكلة من البرد لأنو آمو ما عم تتغطا بالليل (مع العلم درجة الحرارة 50درجة) يعيني جحش شو متوقع

(السئيل) طبعا سيجلس بكل سئالة أمام أمه وفقط لا غير (يعيني شو متوقع يعمل يعني)

أما (التنبل )فهي بالتأكيد ليس لها الجلادة بان تحك انفها بل هي بالكاد تقوم بالكلام (ولي عالتنبلة)

تخيلت معي......؟

ماذا سيكون شعورك إذا اجتمع هؤلاء جميعا عند أم واحدة هل تتوقع سعادتها........؟

بالتاكيد لا ....

كل من عاش قريبا منها سيعرف إنها لم ولن تعيش سعيدة بوجود هكذا أبناء......

وكل من رأى وجهها عند الوداع سيعرف إنها لم تستمتع بهذه الحياة حتى بمقدار ضئيل.....

حتى نهايتها كانت كتلة من العذاب .....

لكني عندها اعلم امرأ واحدا فقط إنني وكل من عرفها سيظل ذكرها باقي إلى الأبد وسيتمنا لها حياة سعيدة بعد هذه الحياة الكريهة التي عاشتها هنا بيننا.....

عن جد أنا فرحانلك لأنك أرتحتي (بس ما ريحتي)

قوانين مورفي

أول مرة سمعت بها كان عن طريق الكاتب الدكتور احمد خالد توفيق وهي ليست قوانين بالمعنى الحرفي للكلمة بل هي مجرد كلمات عندما تسمعها تشعر كأنها تعبر عنك بالمعنى الحرفي للكلمة لكن عن طريق الكوميديا المتشائمة (لا ادري إذا كان هناك هكذا مصطلح )فمن هذه القوانين مثلا

((الرجل الذي يسبقك مباشرة في طابور المصرف، يقوم بأعقد إجراءات ممكنة.))

كلنا هذا الرجل بدأ من شيكات المازوت مرورا بفواتير الهاتف ونحن ذاهبين إلى باقي هذه المصائب

((لو لم تنجح، تخلص من أية أدلة على أنك حاولت.))

منرجع على سيرة المازوت عندما أثبتت التجربة الميدانية فشل مبدأ البونات تم التخلص من البونات وحول الأمر إلى شيكات وغدا سيتم التخلص من الشيكات والله اعلم ما هي المصيبة القادمة

((لو لم يسر الأمر حسب الخطة، فلا توجد خطة أصلاً.))

لا تعليق!!!!

((الفوضى تربح دائمًا لأنها أفضل تنظيمًا !))

هذه حقيقة حسب نظري مهما حاولنا تنظيم أمورنا وترتيبها نرى نفسنا بالنهاية نعود إلى الفوضى لان أمورنا وقتها تسير أيسر

وهذه بعض ما يسما بقوانين مورفي اتمنى قراءتها بتمعن لأنها فعلا تستحق القراءة

* لو سار كل شيء على ما يرام، فأنت لم تلحظ الخطأ فقط.

* الكون ليس غير مبال بالعلماء فقط.. إنه ضدهم على طول الخط..

* أي سلك تقطعه حسب طول معين هو أقصر من اللازم.

* احتمال حدوث خطأ يتناسب طرديًا مع الضرر الذي سيسببه هذا الخطأ.

* عندما يفشل كل شيء آخر اقرأ التعليمات.

* الرجل الذي يبتسم عند الفشل، يعرف رجلاً آخر يلقي باللوم عليه.

* لابد أن يسقط التوست على الجانب الذي دهنته بالزبد.

* احتمال سقوط التوست علي الجانب المدهون بالزبد يتناسب مع ثمن السجادة.

* الأمر يستغرق وقتًا أكثر مما توقعت له، ومهما فعلت.

* من سوء الحظ أن تكون متشائمًا.

* قانون لورا: الطفل لا يقيء وهو في الحمام أبدًا.

* قانون النوافذ: القذارة على الجانب الآخر من الزجاج دائمًا !

* قانون الذاكرة: فرصة نسيان شيء مهم تتناسب مع.. مع.. مع....

* لو لم يسر الأمر حسب الخطة، فلا توجد خطة أصلاً.

* ابتسم.. فالغد أسوأ.

* الأشياء تتلف حسب قيمتها.

* لا يمكن أن تحمي عملك من الحمقى، لأن الحمقى عباقرة.

* كل حل يخلق مشاكل جديدة !

* الشيء الذي يقع، يقع في المكان الذي يسبب فيه أكبر ضرر ممكن.

* بعد ما تبتاع بديلاً للشيء الذي بحثت عنه في كل مكان ولم تجده، يظهر الشيء الأصلي.

* بمجرد شراء تلك السلعة النادرة، سوف تجدها معروضة في كل مكان وأرخص مما اشتريتها.

* صمم شيئاً يستطيع حتى المعتوهين استعماله، ولسوف لا يستعمله سوى المعتوهين.

* كل شيء ممتع في الحياة غير قانوني أو غير أخلاقي أو يسبب السمنة.

* كل شيء يقع في الحمام لابد أن يسقط في المرحاض.

* أي شيء تضعه في مكان أمين، لن تجده أبدًا ثانية.

* الأفكار العظيمة لا نتذكرها أبدًا، والأفكار الغبية لا ننساها أبدًا.

* الغسالة لا تبتلع إلا فردة واحدة من كل زوج من الجوارب.

* الضوء في نهاية النفق قطار قادم !

* صندوق الخطابات دائمًا في الناحية الأخرى من الشارع.

* الفوضى تربح دائمًا لأنها أفضل تنظيمًا !

* لو لم تنجح، تخلص من أية أدلة على أنك حاولت.

* لكل قاعدة شواذ ما عدا هذه القاعدة.

* الرجل الذي يسبقك مباشرة في طابور المصرف، يقوم بأعقد إجراءات ممكنة.

* معرفتك بقوانين مورفي لن يساعدك في شيء!

جبران خليل جبران " العواصف"

الانسانيّة ترى يسوع الناصري مولودا كالفقراء عائشا كالمساكين مهانا كالضعفاء مصلوبا كالمجرمين فتبكيه وترثيه وتندبه وهذا كل ما تفعله لتكريمه.

منذ تسعة عشر جيلا والبشر يعبدون الضعف بشخص يسوع،

ويسوع كان قويّا ولكنّهم لا يفهمون معنى القوّة الحقيقيّة.

ما عاش يسوع مسكينا خائفا ولم يمت شاكيا متوجعا

بل عاش ثائرا وصلب متمردا ومات جبارا.

لم يكن يسوع طائرا مكسور الجناحين

بل كان عاصفة هوجاء تكسر بهبوبها جميع الاجنحة المعوجة.

لم يجيء يسوع من وراء الشفق الأزرق ليجعل الالم رمزا للحياة

بل جاء ليجعل الحياة رمزا للحق والحريّة.

لم يخف يسوع مضطهديه ولم يخش أعداءه ولم يتوجّع أمام قاتليه...

لم يهبط يسوع من دائرة النور الأعلى ليهدم المنازل ويبني من حجارتها الاديرة والصوامع، ويستهوي الرجال الاشداء ليقودهم قسوسا ورهبانا...

لم يجيء يسوع ليعلّم الناس بناء الكنائس الشاهقة والمعابد الضخمة في جوار الاكواخ الحقيرة والمنازل الباردة المظلمة, بل جاء ليجعل قلب الانسان هيكلا ونفسه مذبحا وعقله كاهنا.

هذا ما صنعه يسوع الناصري وهذه هي المباديء التي صلب لأجلها مختارا، ولو عَقُل البشر لوقفوا اليوم فرحين متهللين منشدين أهازيج الغلبة والانتصار...

إن إكليل الشوك على رأسك هو أجلّ وأجمل من تاج بهرام، والمسمار في كفّك أسمى وأفخم من صولجان المشتري، وقطرات الدماء على قدميك أسنى لمعانا من قلائد عشتروت.

فسامح هؤلاء الضعفاء الذين ينوحون عليك لأنّهم لا يدرون كيف ينوحون على نفوسهم، واغفر لهم لأنّهم لا يعلمون أنّك

صرعت الموت بالموت ووهبت الحياة لمن في القبور.

صرلي كام يوم عم بسمع غنية خيلة بتغنيا وحدة اسما هبة التوجي (هي من اكتشافات الرحابنة )صوتا كتير حلو شاركت بمسرحية طائر الفينيق انا بتوقعلا مستقبل كتير مهم اللي بدو يعرف شو هي الغنية !!!!!!!!!!!!!!

اسم الغنية (متل الريح)ياريت تسمعوها